Il-Missjoni Taghna
 
Li jżomm metodoloġija effettiva ta’ accounting u sistemi rilevanti ta’ accounting madwar il-Gvern, jagħmel ħlasijiet, jissorvelja l-pożizzjoni tal-cash flow tal-Gvern ċentrali u jamministra l-portafoll tad-dejn tal-Gvern ċentrali.
 
Id-Dipartiment tat-Teżor tal-Gvern ta’ Malta huwa responsabbli li jżomm metodoloġija effettiva ta’ accounting u sistemi rilevanti ta’ accounting madwar il-Gvern; timmonitorja l-pożizzjoni tal-cash flow tal-Gvern ċentrali; jiddetermina d-daqs u l-kompożizzjoni tal-istruttura kapitali tal-Gvern ċentrali.
 
Id-Dipartiment jagħmel ħiltu biex ikun aggressiv fl-ilħuq tal-għanijiet tiegħu, b’riżorsi u rispett kbir, professjonali u proattiv fl-approċċ tiegħu, kosteffettiv, u impjegatur eċċellenti. Dawn il-prattiki u l-objettivi ta’ ħidma huma infużi fl-istruttura organizzattiva tad-dipartiment. It-Teżor huwa impenjat bis-sħiħ fl-implimentazzjoni ta’ tekniki ta’ ġestjoni professjonali u jemmen bis-sħiħ fl-użu tat-teknoloġija tal-informazzjoni.
 

L-eżerċizzju ta’ ristrutturar imwettaq matul l-aħħar ftit snin, appoġġja l-ħila amministrattiva tat-Teżor fit-twettiq tal-obbligi legali tiegħu, u qies il-funzjonijiet il-ġodda li t-Teżor kellu jwettaq skont il-prattiki u l-politiki moderni. Dawn kienu jinkludu r-rwol tat-Teżor fl-implimentazzjoni tal-kontijiet tad-dovuti madwar il-Gvern kif ukoll it-twaqqif ta’ Uffiċċju għall-Amministrazzjoni tad-dejn tal-Gvern ċentrali.

It-Teżor għandu tliet funzjonijiet importanti:

Kontijiet tal-gvern: il-ġbir, il-kollazzjoni u l-ipproċessar tat-tranżazzjonijiet kollha tal-kontijiet tal-gvern, u l-kumpilazzjoni ta’ dikjarazzjonijiet finanzjarji xierqa fi skeda ta’ żmien miftiehma. Din il-funzjoni tinkludi wkoll l-implimentazzjoni u l-infurzar tar-regolamenti u l-proċeduri kontabilistiċi, il-koordinazzjoni tat-taħriġ kontabilistiku, u l-kollegament mal-organizzazzjonijiet xierqa u rilevanti.

Iffissar ta’ standards u rappurtaġġ Finanzjarju: l-implimentazzjoni, l-appoġġ u t-taħriġ tas-Sistema ta’ Ġestjoni finanzjarja ċentralizzata użata fid-dipartimenti kollha tal-gvern ċentrali. Din il-funzjoni tinkludi wkoll l-isforz lejn metodoloġija kontabilistika tad-dovuti, b’mod partikolari fl-adozzjoni tal-istandards tal-IPSAS u l-formulazzjoni tal-linji gwida rispettivi, b’ koordinazzjoni mal-partijiet interessati rilevanti. It-taqsima qed tikkoordina wkoll fit-tħejjija tad-dikjarazzjonijiet finanzjarji bbażati fuq id-dovuti.

Amministrazzjoni tad-Dejn: id-determinazzjoni tad-daqs u l-kompożizzjoni tal-istruttura kapitali ottimali tal-Gvern ċentrali, ta’ sorsi ta’ fondi relatati mad-dejn, b’ enfasi fuq il-ġestjoni tal-influss tal-flus, b’mod partikolari l-ħila tal-Gvern ċentrali li jħallas il-pagamenti fissi.