29/07/2025
Riżultat finali tal-ħruġ tal-istock tal-Gvern ta’ Malta ta’ Lulju 2025
Id-Dipartiment tat-Teżor iħabbar ir-riżultati finali tal-ħruġ tal-istock tal-Gvern ta’ Malta ta’ Lulju 2025. Aktar tagħrif u nformazzjoni jinsabu fl-Istqarrija għall-Istampa maħruġa it-Tlieta, id- 29 ta’ Lulju 2025 kif ukoll fir-Riżultati tal-Ħruġ tal-istock li ġew ippubblikati fuq is-sit elettroniku tad-Dipartiment tat-Teżor.
18/07/2025
Riżultat proviżorju tal-ħruġ tal-istock tal-Gvern ta’ Malta ta’ Lulju 2025
Id-Dipartiment tat-Teżor iħabbar ir-riżultat proviżorju tal-ħruġ tal-istock tal-Gvern ta’ Malta ta’ Lulju 2025. Aktar tagħrif u nformazzjoni jinsabu fl-Istqarrija għall-Istampa maħruġa il-Ġimgħa, 18 ta’ Lulju 2025 kif ukoll fir-Riżultati tal-Ħruġ tal-istock li ġew ippubblikat fuq is-sit elettroniku tad-Dipartiment tat-Teżor.
10/07/2025
B’referenza għall-Istqarrija għall-istampa numru 251212 ta’ nhar il-Ġimgħa, l-4 ta’ Lulju 2025, l-Accountant General javża li l-prezz għal kull Stock offrut għas-sottoskrizzjoni lill-membri tal-pubbliku ġie stabbilit kif ġej:
(i) 3.40% Stock tal-Gvern ta’ Malta 2035 (IV) bi prezz ta’ €100.00, b’YTM ta’ 3.4000%, li jissarraf f’rata ta’ rendiment annwali ekwivalenti għal 3.4289%, u
(ii) 3.80% Stock tal-Gvern ta’ Malta 2040 (II) bi prezz ta’ €100.00, b’YTM ta’ 3.7996%, li jissarraf f’rata ta’ rendiment annwali ekwivalenti għal 3.8357%.
Aktar tagħrif jinsab fl- Istqarrija għall-Istampa ta’ nhar il-Ġimgħa, l-10 ta’ Lulju 2025.
04/07/2025
L-Accountant General qiegħed iħabbar il-ħruġ ta’ Stock tal-Gvern ta’ Malta ta’ mitejn u ħamsin miljun Ewro (€250,000,000) f’xi wieħed jew f’kull wieħed minn dawn iż-żewġ stocks imsemmija aktar ’l isfel:-
(i) 3.40% Stock tal-Gvern ta’ Malta 2035 (IV); u
(ii) 3.80% Stock tal-Gvern ta’ Malta 2040 (II).
Is-somma li għandha tinġabar tista’ tiżdied b’ammont sa massimu ta’ €150,000,000 oħra f’każ li d-domanda tkun aktar mill-ammont offrut.
Membri tal-pubbliku li huma nteressati li jinvestu, jistgħu japplikaw għall-ammont sa massimu ta’ erba’ mija disgħa u disgħin elf u disa’ mitt Ewro (€499,900) kull persuna f’xi wieħed jew f’kull wieħed miż-żewġ stocks. L-applikazzjonijiet jistgħu jsiru minn persuna waħda jew flimkien ma’ persuna jew persuni oħra. L-applikazzjonijiet għall-membri tal-pubbliku jintlaqgħu minn nhar it-Tnejn, l-14 ta’ Lulju 2025 fit-8.30 a.m. u jagħlqu fis-2.30 p.m. tal-Erbgħa, s-16 ta’ Lulju 2025 jew aktar kmieni, fid-diskrezzjoni tal–Accountant General.
Applikazzjonijiet mingħand investituri wholesale magħmulin f’offerti b’irkant jiftħu il-Ġimgħa, t-18 ta’ Lulju 2025 fit-8.30 a.m. u jagħlqu 12.00 pm (f’nofsinhar) (CET) tal-istess ġurnata, jew aktar kmieni fid-diskrezzjoni tal–Accountant General.
L-Accountant General ser ikun qed iħabbar il-prezz ta’ kull stock li qegħdin jiġu offruti għas-sottoskrizzjoni lill-membri tal-pubbliku nhar il-Ħamis, l-10 ta’ Lulju 2025. Dawn il-prezzijiet ser jiġu ppubblikati permezz ta’ stqarrija maħruġa mid-Dipartiment tal-Informazzjoni (DOI).
Ir-riżultat tal-allokazzjoni ta’ kull stock li jiġi allokat lill-applikanti li l-applikazzjoni tagħhom kienet magħmula f’offerti b’irkant, jiġi mgħarraf sagħtejn wara l-ħin tal-għeluq tal-irkant.
Il-formoli tal-applikazzjonijiet jistgħu jinkisbu minn u jiġu ddepożitati għand il-membri kollha tal-Borża ta’ Malta u fornituri oħra awtorizzati ta’ servizzi ta’ investiment. Formoli tal-applikazzjonijiet jistgħu jitniżżlu wkoll minn fuq is-sit elettroniku tat-Teżor (https://treasury.gov.mt/formoli-tapplikazzjoni/) minn nhar il-Ġimgħa, l-11 ta’ Lulju 2025.
Aktar tagħrif dwar dawn l-istocks jinsab fl-Istqarrija għall-istampa maħruġa mid-DOI u fiċ-Ċirkolari tal-Offerta.